"yIHmey wammeH He'mI'nor yuQ ghoS neH HoD."
" 'ach Ha'DIbaH machqu' bIH yIH'e' 'ej luwambe'lu' " jatlh yaS cha'DIch 'ej Hagh
"HoD, qatlh yIH vISuq vIneH? moQHommeyvetlh DaSopbe''a'? DaSopbe' HIja'! "
pay' meHDaq 'el jonpIn cha'DIch 'ej Hoch legh.
'elpu'bogh jonpIn cha'DIch jIvlaw'taHvIS HoD SopwI'pa' ghoSnIS Hoch 'e' ra'.
pa' ghoStaHvIS ghom muv latlh beq.
qaStaHbogh wanI' yajlaw' Hoch.
SuvlaHmeH cha' loDpu' SopwI'pa'vo' raSmey quSmey je teqlu'pu'.
SuvrupDI' DeghwI' HoD je Hoch tammoH SopwI'pa' botlhDaq Qambogh jonpIn wa'DIch.
"ghoch HujDaq He choH DeghwI' 'e' ra' HoD 'ach Qochqu'mo' DeghwI' Hay'."
"yapbej mu'meyvetlh" jatlh DeghwI'. "jIQochbe' " jatlh HoD.
"maj" jatlh yaS cha'DIch, "moq! "
ghopDajDaq Daqtagh 'uchtaHvIS jop DeghwI' 'ej DoH HoD.
mI'law' HoD. jop HoD, way' DeghwI', DuQ 'e' nID DeghwI', way' HoD.
qaStaH joptaHghach way'taHghach je .
pay' ravDaq pum HoD SoDlaw'taHvIS 'Iw.
Hagh DeghwI' 'ach "yay" jachpa' ravDaq pum ghaH.
loS Hoch. Hu'bogh nuv wa'DIch ghaH 'Iv'e'?
DaH 'el jachbogh beq : "jonpIn, QuQDaq yIghoS jormo' vay'."
"ghuy'cha' " jatlh jonpIn wa'DIch 'ej Qub: DaH nuq vIvang?
"maj, jonpIn cha'DIch , QuQ yIghoS!"
vaj Hu' HoD 'ach DeghwI' nuDDI' tlhe' DeghwI'.
HoD DuQ 'e' nID 'ach pumqa' DeghwI'.
"yIbaq" jach DeghwI' 'ach vangbe' HoD.
lutHom ja'wI' QoghtlhIH'u'
Qaghmey tu'chugh ghitlhvam laDbogh Holtej QInHom mungeHlaHbej
Holtej naDHa'ghach vIloS!
ghItlhvam lughmoHlu'pu' 22-04-2009